2009-04-17
EAJ alderdiak Donostian krisiari aurre egiteko neurri zehatzak jasotzen dituen dokumentua aurkeztu du.


Xabier Ezeizabarrenak EAJ taldeak landutako dokumentua aurkeztu du, Donostiako esparruan krisialdi ekonomikoari aurre egiteko neurri zehatzak jasotzekoa. Oraingo krisialdi ekonomikoak gero eta donostiar gehiagori erasaten die. Gure iritziz, administrazio guztien -jakina, baita Donostiako Udalaren ere- lehentasunik handienak izan behar du krisiaren ondorioak ahalik eta gehien leuntzeko neurriak hartzeak.

 

Alkateari bidalitako gutun batean taldeak adierazi duenez, haren borondatea da udal gobernuarekin lankidetzan aritzea egungo krisialdiak herritarrongan dituen ondorioak murritzeko. "Horra zergatik bidali dizugun Krisiaren aurkako Neurrien Plana, hartan gure iritziz lehen aipaturiko helburua lortzeko zenbait ekintza zehatz jasotzen dira-eta".